مكونات الكنافة بالقشطة أو المهلبية
أهم مكونات الوصفة الشربات وهي كما سنعرفه.
كيلو إلا ربع كنافة ( تكون مفرومة لو لسه طازة، ومكسرة لو خارجة من الفريذر ).
نص كوب سكر بودرة.
معلقتين سمن.
الشربات.
| طريقة عمل الكنافة |
طريقة عمل الكنافة
يتم فرك الكنافة جيدا مع السمن، ثم نبدأ بتحميرها علي نار متوسطة لحد ما توصل للون الذهبي المحمص.
وفي نفس الوقت نكون مجهزين الشربات وننزل بيه عليها وهي سخنة.
وبعدين نفرد نص كمية الكنافة في الطاجن ونضغط بأيدينا عليها ثم نضع كريم تشييز او كريم شانتيه او كريم باتسيير علي حسب ما تحبي ثم نضع طبقة كنافة أخري علي الوش ودي رشة سكر بدرة عالوش.
طريقة عمل الشربات
كوبايتين سكر علي كوب ونص ماية ولما يبتدي يغلي نحط عصرة لمونة ولما يبدأ الشربات يتقل نحط رشة فانيليا.
طريقة عمل الكنافة بالكريمة
نأتي بالكنافة من الفريزر ويتم فركها جامد، ثم نأخذ نص الكمية ونحطها حطة ف صنية من غير ما يدهنها ولا نحط علي الكنافة سمنة، وبعد كده نظغط عليها بس مش قوي وبعد نأتي بالكريمة وبعد كده نحطها علي الكنافة بس فنص الصنية مش علي الأطراف.
بعد كده نحط باقي الكنافة وظبطهم ف الصنية.
وبعدها سيح كوباية سمنة بلدي ورش عليهم من فوق وعلشان ينزل سمنة تحت بقي يسقي السمنة من الأطراف واتشربت لتحت
حطها فالفرن ولما نلاحظ أن الأطراف من تحت استوت واللي فوق ابتدت تستوي نشغل الشواية علي الهادي ونفضل قدامها لحد ما تحمرت.
وفي النهاية لما تطلع نسقيها بالشربات.
تعليقات
إرسال تعليق