أشياء يجب ملاحظتها عند تربية الأبناء
سوف نسرد لكم أشياء هامة لكي لا تندموا فيما بعد، فـ ما ترجعوش تزعلوا لم تشوفوا ما يلي :
 |
| معلومات عن تربية الأبناء |
- لما عيالكم يقفلوا علي نفسهم الغرفة بالساعات وميحبوش القعدة معاكم بسبب الانتقاد والكلام اللي زي السم اللي بتوجهوه ليهم.
- لما يكبروا ويكرهوا كلمة إن شاء الله لأن كل وعد توعدوه تقولوا إن شاء الله و مايحصلش، فبلاش نوعدهم ونخلف.
- لما شخصياتهم تبقي ضعيفة وما يبقاش عندهم ثقة في نفسهم لانكم ما بتديهومش فرصة يعبروا عن اللي جواهم ودايما تستغبوهم.
- لما يكرهوا الصلاة والمذاكرة، لأن من أقل غلطة يغلطوها تسألوهم صليت إيه النهارده؟ ذاكرت ولا لاء؟ كأن الصلاه والمذاكره عقاب، وبالتالي يجب ان تكون الصلاة ركن أساسي في حياتهم وكذلك المذاكرة في أوقات الدرسة.
- لما يكرهوا الجواز بسبب المشاكل اللي مش بتخلصش وبتولع علي أقل الاسباب، لعد وجود تفاهم ومسئولية بين الأباء.
- لما يكرهوا النقاش معاكم لأنكم بتقللوا من اراءهم سواء في السياسة أو الحياة عامة.
- لما كل يوم قبل نومهم يعاتبوكم وهما في اوضهم في سرهم وقد إيه في فجوة بينكم بسبب قلة التفاهم والاحتواء.
- لما يفشلوا في الكلية اللي اخترتوها ليهم بسبب تدخلكم في مستقبلهم ومنعهم عن حلمهم المؤمنين بيهم.
- لما يكرهوا السفر معاكم في مصيف مثلا لأنكم بتتعصبوا عليهم وممكن تقلبوا الفسحة غم.
- لما يحبوا اكل المطاعم لأنكم بترفضوا تعملوا طرق جديدة في نفس الاصناف الموجودة من اكل البيت.
- لما عيالكم يكرهوا بعض لأنكم بتفرقوا في المعامله بينهم وتميزوا حد عن التاني وتتحاسبوا يوم القيامة بجريمة الظلم.
- متزعلوش لما تلاقوا ابنكم أو بنتكم كاتبين علي الفيس "كل لما أتمناه حضن يحتويني" لأنكم مجربتوش تحضنوهم حتي ولو بكلمه حلوه.
- لما يطلعوا مكلكعين من جوا وتفيكريهم محدود بسبب كلمة "انا وانا قدك كنت بجيب لبس كذا بصرف كذا" رغم ان سيدنا علي قال : لا تربوا أولادكم علي أخلاق زمنكم فان لهم زمنا غير زمنكم.
- متزعلوش قوي لما بنتك تبقي تعيسة في حياتها الزوجية بسبب عريس فرضتوه عليها مع ان حقها الشرعي تتجوز اللي يعجبها حتي ولو بعد ١٠٠ سنة.
- عمر طويل لما تقابلوا وجه كريم وعيالكم ميحنوش للقائكم لأنكم زي الطوق علي رقابيهم و بفراقكم اتنفسوا بقوا أحرار.
- في مثل بيقول يا كبار البيت اتوصوا بصغاره بكره صغاره يبقوا كباره.
تعليقات
إرسال تعليق