نصائح إلي كل مربي ومربية - المنزل السعيد

معلومات إلي الأباء والأمهات

إلى كل أم ومربية إليك النصائح التالية لكي نساعد الأباء والأمهات معاملة أبنائهم: 

نصائح في تربية الأبناء

• ممنوع منعا باتا إني أسمح لأي حد يتخطي حدوده مع ولادي سواء بهزار أو جد وقولا أو فعلا، ده غير مقبول.
• ممنوع منعا باتا أسمح لحد يناديهم بلقب أو صفه وحشة ( أسمر، أكرت، تخين، مسلوع، بضب، قزعه) أو حاجة في صفاتهم ( عيوطه، زنان، عصبي، شقي، معفرت).
• ممنوع منعا باتا الهزار التقيل السمج بتاع طالع وحش لمين، وليه مش حلو زي اختك و لا اخوكي و لا خالتك و لا عمتك و لا عم محمد البواب.
• ممنوع منعا باتا التعليق او السخرية علي المستوي البدني ( ماله مش قادر يجري كده ليه، ازاي في السن ده و مبيعرفش يعوم، ليه بينهج كتير، وفي جزئية التعليم (ماله مش عارفه يقرأ، هو مش شاطر ليه، مبيعرفش ينطق ).
• كل الكلام السلبي ده بياثر علي الطفل وبيفضل في المخ و العقل بيصدقه، واثر علاج كلمه وحشة بياخد وقت و لازم قدامها 100 كلمة كويسة عشان تزيلي اثر الكلمه الوحشه.
• واخيرا ممنوع المقارانات بأي طفل اخر وحتى لو اخوه، لان كل طفل ليه السمات الشخصيه بتاعته و اللي بتختلف ومن طفل للتاني، والمقارنات دي اول شيء مدمر لشخصيه الطفل و ثقته بنفسه.
• ياريت كل واحد يخليه في حاله بمنتهي البساطه امنعوا التنمر عن أولادكم هيحسوا انكم السند والضهر وهتزيد ثقتهم في نفسهم و الكل هيعملك الف حساب و يفكر الف مره قبل ميقول اي كلمه علي ولادك.